This is it.................

Нүүрний сэвх толбыг гэрийн нөхцөлд арилгаж болно

Нүүр гарын арьсыг зөөлрүүлэх, цайруулах, цэвэрлэх аливаа өөрчлөлт үүсэхээс урьдчилан сэргийлэх, сэвх, толбыг арилгах зорилгоор төрөл бүрийн сүүн бүтээгдэхүүн, хүнсний ногоо, жимс жимсгэний түрхлэг, цэвэрлэх шингэнийг өргөн хэрэглэх хэрэгтэй.

Урин дулааны улирал ирэхээр бүсгүйчүүдийн сэвх тодордог. Гэрийн нөхцөлд энгийн аргаар арилгаж, бүдэгрүүлэх олон арга бий. Сэвхээ арилгахын тулд өглөө нүүр гараа угаахын өмнө шар сүү, талхны квас, өргөст хэмхийн шүүс, нимбэгний шүүс, багваахай цэцгийн ханд зэргээр арчиж болно.

Жимс жимсгэнэ ногооны бигнүүр арьсыг цэвэрлэх, цайруулах, булчин чангаруулах үйлчилгээтэй бөгөөд өнгөлөг залуу, жавхаалаг болгодог. Энэ нь ялангуяа сэвхтэй, сулхан, үлбэгэр, үрчлээстэй, нүхлэг арьстай хүмүүст тохирно. Ийм бигнүүр бэлтгэхэд тун хялбар.

Жимс ногоогоо хальсалж, сайтар цэвэрлээд зөөлөн хэсгийг нь шилэн аяганд хийж, халбагаар нухаад хатууг үрэх хэрэгсэлд үрж жижиглэнэ. Энэ бигнүүрээ тавихын өмнө нүд, хамар, амандаа хүргэлгүй 20-30 минут тавьж, нүдээ анин хэвт. Мөн жүрж, нимбэг, улаан лооль болон бусад жимс ногоог нимгэн зүсээд ч тавьж болго. Тослог, нүхлэг арьсыг орой өргөст хэмхийн давстай усаар арчаарай.